孫興民孭飛熱刺得米

2020-01-14 09:38:13 来源:网络

英格蘭足總盃今晚舉行多場第3圈重賽,其中熱刺會喺主場再鬥英冠米杜士堡。熱刺主場踢英足盃專恰非英超球隊,南韓國腳孫興民更係「弱旅殺手」,就算今場冇哈利卡尼亦冇有怕,熱刺讓1.5/2球,照捧上盤。

(myTV Gold 308周三凌晨4時05分直播)

熱刺射手哈利卡尼養傷長抖,據報球會有意向意甲拿玻里借用舊將洛蘭迪回巢做替補,不過「遠水不能救近火」,熱刺暫時仍要以現有人腳打天下,好彩熱刺近年喺主場踢英足盃特別醒神,對上6場全勝之餘,仲有5次淨勝2球或以上,當中孫興民個人攻入8球,包括攻破韋甘比、米禾爾及羅奇代爾等非英超球隊,今次隨時又成贏波英雄。

米杜士堡作客腳軟
熱刺已經連續4場比賽未贏過,急需一場漂亮勝仗振奮軍心;由熱刺舊將活基治領軍嘅米堡上次主場都爆冷不成,以佢哋今季各項賽事13場作客2勝5和6負表現,今次想創奇迹更唔容易,熱刺讓1.5/2球捧上盤。